بھرے کمرے میں اداسی کا اثر تنہا کیا

بھرے کمرے میں اداسی کا اثر تنہا کیا

جانے کیا بات تھی کیا سوچ کے گھر تنہا کیا

خود میں جھانکا تو مرے جسم سے مربوط تھا وہ

میں نے جس جس کو بھی تا حد نظر تنہا کیا

کس اکائی کو بکھرنے دوں کسے جمع کروں

کہاں کرنا تھا بدن تنہا کدھر تنہا کیا

میرے ملبے کی بچت روز کھٹکتی تھی اسے

میرے وحشی نے مجھے بار دگر تنہا کیا

کتنی مشکل سے بسایا ترا دھڑکا دل میں

جسم آباد نہ ہو جائے اگر تنہا کیا

مجھ خلا زاد میں وہ خالی جگہ چاہتی تھی

کرنا بنتا تو نہ تھا خود کو مگر تنہا کیا

اک نشست اس کے لیے خالی رکھی وحشت کی

جس کے ہم راہ محبت کا سفر تنہا کیا

bhare kamre mein udasi ka asar tanha kya

jane kya bat thi kya soch ke ghar tanha kya

khud mein jhanka to mire jism se marbut tha wo

main ne jis jis ko bhi ta had-e-nazar tanha kya

kis ikai ko bikharne dun kise jama karun

kahan karna tha badan tanha kidhar tanha kya

mere malbe ki bachat roz khatakti thi use

mere wahshi ne mujhe bar-e-digar tanha kya

kitni mushkil se basaya tira dharka dil mein

jism abad na ho jae agar tanha kya

mujh khala zad mein wo khali jagah chahti thi

karna banta to na tha khud ko magar tanha kya

ik nashist us ke liye khali rakhi wahshat ki

jis ke ham rah mohabbat ka safar tanha kya