درون خواب کوئی شکل مسکراتی ہے

درون خواب کوئی شکل مسکراتی ہے

میں چپ رہوں تو مرے ساتھ گنگناتی ہے

قضا سے الجھے ہوئے سوگوار ہاتھوں میں

ہمارے نام کی مہندی لگائی جاتی ہے

یہ رخصتی کا سمے بھی عجب ہے آخر شب

کہ چوڑیوں کی کھنک اور بڑھتی جاتی ہے

جمال اور کسی کا ہے میرے چہرے پر

بدن میں اور کوئی روح تلملاتی ہے

یہ رات سہمی سسکتی ہوئی دلہن کی طرح

لپٹتی جاتی ہے شرمندہ ہوتی جاتی ہے

darun-e-khwab koi shakl muskurati hai

main chup rahun to mire sath gungunati hai

qaza se uljhe hue sogwar hathon mein

hamare nam ki mehndi lagai jati hai

ye rukhsati ka samay bhi ajab hai akhir-e-shab

ke chauriyon ki khanak aur barhti jati hai

jamal aur kisi ka hai mere chehre par

badan mein aur koi ruh tilmilati hai

ye rat sahmi sisakti hui dulhan ki tarah

lipatti jati hai sharminda hoti jati hai