جسم گھیر لیتی ہے پھر بھی زرد تنہائی

جسم گھیر لیتی ہے پھر بھی زرد تنہائی

تتلیوں میں دن گزرا جگنوؤں میں رات آئی

چاندنی کی بانہوں میں گمرہی کا بچھو ہے

اور اس کے دامن میں میرے دل کی بینائی

دل کے سارے دروازے بند تھے اداسی پر

کل پھر ایک رقاصہ کھڑکیوں سے گھس آئی

اے متاع جسم و جاں چشم تر کی نوحہ خواں

تو مری خوشی اپنے خواب بیچ کر لائی

jism gher leti hai phir bhi zard tanhai

titliyon mein din guzra jugnuon mein rat ai

chandni ki banhon mein gumrahi ka bichho hai

aur us ke daman mein mere dil ki binai

dil ke sare darwaze band the udasi par

kal phir ek raqqasa khirkiyon se ghis ai

ai mata-e-jism-o-jan chashm-e-tar ki nauha khwan

tu miri khushi apne khwab bech kar lai