میرا سایہ بھی اگر باب طرب تک آیا

میرا سایہ بھی اگر باب طرب تک آیا

کہنا بد نام زمانہ تھا نسب تک آیا

دھند ہی دھند تھی ہر سمت پھر اک سمت سے میں

سامنے دکھتا ہوا اپنے عقب تک آیا

بد نصیبی میں یہی بات بری ہے یہی بات

کوئی بھی زہر نہیں میری طلب تک آیا

ہاتھ آئی ہوئی اک موج فنا پھیل گئی

جب کوئی جھونکا ترے جان بہ لب تک آیا

شرم سے بھیگی ہوئی پوروں میں اٹکا ہوا جھوٹ

کبھی پیشانی تک آیا کبھی لب تک آیا

mera saya bhi agar bab-e-tarab tak aya

kahna bad nam zamana tha nasab tak aya

dhund hi dhund thi har samt phir ik samt se main

samne dikhta hua apne aqab tak aya

bad nasibi mein yahi bat buri hai yahi bat

koi bhi zahr nahin meri talab tak aya

hath ai hui ik mauj-e-fana phail gai

jab koi jhonka tire jan ba lab tak aya

sharm se bhigi hui poron mein atka hua jhut

kabhi peshani tak aya kabhi lab tak aya