وہ کتنی دیر کھڑا سوچتا رہا مجھ کو

وہ کتنی دیر کھڑا سوچتا رہا مجھ کو

گلے لگا تو پتہ بھی نہیں چلا مجھ کو

نہ جانے میں تیرے پہلو میں کیسے بیٹھ گیا

مری جگہ ہی نہیں ہے ابھی اٹھا مجھ کو

ترے خیال سے بڑھ کر ہے خالی پن میرا

کہاں کہاں سے بھرے گا ترا خلا مجھ کو

وہ میرے سامنے توہین کر گیا میری

اور اس پہ یہ کہ برا بھی نہیں لگا مجھ کو

میں پہلی بار ہوں زیر مطالعہ دانشؔ

ابھی کہیں پہ نشاں تک نہیں لگا مجھ کو

wo kitni der khara sochta raha mujh ko

gale laga to pata bhi nahin chala mujh ko

na jane mein tere pahlu mein kaise baith gaya

miri jagah hi nahin hai abhi utha mujh ko

tire khayal se barh kar hai khali pan mera

kahan kahan se bharega tira khala mujh ko

wo mere samne tauhin kar gaya meri

aur us pe ye ke bura bhi nahin laga mujh ko

main pahli bar hun zer-e-mutalaa danish

abhi kahin pe nishan tak nahin laga mujh ko