کنڈی بجا کے اس لیے بھاگا نہیں ہوں میں

کنڈی بجا کے اس لیے بھاگا نہیں ہوں میں

دکھتا نہیں کسی کو تو سوچا نہیں ہوں میں

پچھلے برس کی بات ہے کچھ لوگ آئے تھے

دستک سنی تو کمرے سے چیخا نہیں ہوں میں

جانے میں کس کا جسم ہوں اور کس کے پاس ہوں

ڈھونڈا ہے خود کو ہر جگہ ملتا نہیں ہوں میں

لے جاؤ مجھ کو مجھ سے مگر ایک بات ہے

لمبے سفر کے واسطے اچھا نہیں ہوں میں

سایا ہوں اور دن ڈھلے بجھ وجھ گیا ہوں کیا

دیکھا ہے آج آئنہ دکھتا نہیں ہوں میں

ناخن چبھو کے بھانپ لو مجھ میں مرا وجود

کتنا ہوں اپنے آپ میں کتنا نہیں ہوں میں

ممکن ہے یہ ملال تمہیں بھی فریب دے

جیسا مجھے بنایا تھا ویسا نہیں ہوں میں

اک اک دکاں سے پوچھا کہ میں دستیاب ہوں

انکار سن کے بجھ گیا اچھا نہیں ہوں میں

kandi baja ke is liye bhaga nahin hun main

dikhta nahin kisi ko to socha nahin hun main

pichhle baras ki bat hai kuchh log ae the

dastak suni to kamre se chikha nahin hun main

jane mein kis ka jism hun aur kis ke pas hun

dhunda hai khud ko har jagah milta nahin hun main

le jao mujh ko mujh se magar ek bat hai

lambe safar ke waste achchha nahin hun main

saya hun aur din dhale bujh wajh gaya hun kya

dekha hai aj aina dikhta nahin hun main

nakhun chubho ke bhanp lo mujh mein mira wajud

kitna hun apne ap mein kitna nahin hun main

mumkin hai ye malal tumhen bhi fareb de

jaisa mujhe banaya tha waisa nahin hun main

ik ik dukan se puchha ke main dastyab hun

inkar sun ke bujh gaya achchha nahin hun main