کوئی ملال ہوں دکھ ہوں بتاؤ کیا ہوں میں

کوئی ملال ہوں دکھ ہوں بتاؤ کیا ہوں میں

دنوں کے بعد کسی شخص کو دکھا ہوں میں

یہ کون پالتا پھرتا ہے ہجر کا آسیب

مجھے بتایا گیا تھا کہ مر چکا ہوں میں

جگر کے ہاتھ لپکتے ہیں آنکھ کی جانب

کچھ ایسی طرز سے گریہ کناں ہوا ہوں میں

کبھی کبھی مری آنکھیں جواب دیتی ہیں

کبھی کبھی تجھے اتنا سوالتا ہوں میں

کسی کے اشک مرے گال چھو کے گرتے تھے

کسی کے قرب میں اتنا بھی رہ چکا ہوں میں

تمہارا ہجر مرے ساتھ رہنا چاہتا ہے

اسے بتاؤ کہ اس سے بہت بڑا ہوں میں

بہشت پھینک چکی ہے زمین پر مجھ کو

خدا کا شکر تجھے راس آ گیا ہوں میں

koi malal hun dukh hun batao kya hun main

dinon ke baad kisi shakhs ko dikha hun main

ye kaun palta phirta hai hijr ka aseb

mujhe bataya gaya tha ke mar chuka hun main

jigar ke hath lapakte hain ankh ki janib

kuchh aisi tarz se girya kunan hua hun main

kabhi kabhi miri ankhen jawab deti hain

kabhi kabhi tujhe itna siwalata hun main

kisi ke ashk mire gal chhu ke girte the

kisi ke qurb mein itna bhi rah chuka hun main

tumhara hijr mire sath rahna chahta hai

use batao ke us se bahut bara hun main

bahisht phenk chuki hai zamin par mujh ko

khuda ka shukr tujhe ras a gaya hun main