ایک دم اس نے جدا کی نہ نقاب عارض

ایک دم اس نے جدا کی نہ نقاب عارض

نہ ہوا دور شب وصل حجاب عارض

کس پہ برہم ہیں بتوں کا جو بنا ہے چہرا

کس پہ لائے گا غضب آج عتاب عارض

لالہ و گل ہیں زمیں پر تو فلک پر مہ و مہر

لیکن ان میں سے نہیں کوئی جواب عارض

دیکھ کر جلوۂ رخسار ہوا میں بے ہوش

تیز کس درجہ تھی اللہ شراب عارض

شعلۂ طور گل تر مہ و خورشید فلک

عاشقوں میں ترے کیا کیا ہیں خطاب عارض

نہ دیا مصحف رخسار کا بوسہ ہم کو

اس نے کھولی نہ شب وصل کتاب عارض

ek dam us ne juda ki na naqab-e-ariz

na hua dur shab-e-wasl hijab-e-ariz

kis pe barham hain buton ka jo bana hai chehra

kis pe laega ghazab aj itab-e-ariz

lala-o-gul hain zamin par to falak par mah-o-mehr

lekin un mein se nahin koi jawab-e-ariz

dekh kar jalwa-e-rukhsar hawa mein be hosh

tez kis darja thi allah sharab-e-ariz

shola-e-tur gul-e-tar mah-o-khurshid-e-falak

ashiqon mein tire kya kya hain khitab-e-ariz

na diya mushaf-e-rukhsar ka bosa ham ko

us ne kholi na shab-e-wasl kitab-e-ariz