دل جائے مگر دھیان بتوں کا نہیں جاتا

دل جائے مگر دھیان بتوں کا نہیں جاتا

سر جائے مگر عشق کا سودا نہیں جاتا

سچ کہتے ہیں سب لوگ محبت کو برا ہے

حال دل بیمار تو دیکھا نہیں جاتا

یہ کہہ کے وہ بالیں سے مرے اٹھ گئے افسوس

کمبخت ترا حال تو دیکھا نہیں جاتا

کیا دیں گے وہ میرے دل سوزاں کو تسلی

سینے پہ مرے ہاتھ تو رکھا نہیں جاتا

تم چاہتے ہو ہوش میں عاشق کو جو لانا

کیوں لخلخلۂ زلف سنگھایا نہیں جاتا

تو سامنے میرے نہیں آتا ہے یہ اندھیر

آنکھوں ہی میں رہ کے ترا پردا نہیں جاتا

غش کھا کے کلیم ایک ہی جلوے میں گرے تم

اب بھی ارنی کا تمہیں دعویٰ نہیں جاتا

dil jae magar dhyan buton ka nahin jata

sar jae magar ishq ka sauda nahin jata

sach kahte hain sab log mohabbat ko bura hai

hal-e-dil bimar to dekha nahin jata

ye kah ke wo balin se mire uth gae afsos

kambakht tira hal to dekha nahin jata

kya denge wo mere dil-e-sozan ko tasalli

sine pe mire hath to rakha nahin jata

tum chahte ho hosh mein ashiq ko jo lana

kyun lakhlakhla-e-zulf sunghaya nahin jata

tu samne mere nahin ata hai ye andher

ankhon hi mein rah ke tira parda nahin jata

ghash kha ke kalim ek hi jalwe mein gire tum

ab bhi arini ka tumhen daawa nahin jata