کبھی کبھی تو نہ ہوگی کبھی ہوا کرے گی

کبھی کبھی تو نہ ہوگی کبھی ہوا کرے گی

ضرور تجھ کو کسی کی کمی ہوا کرے گی

رہے گی ایسے ہی رونق ترے محلے کی

گزرنے والے نہ ہوں گے گلی ہوا کرے گی

جو ہم نہ ہوں گے تو پھر کون تم سے مانگے گا

تمہیں ہماری ضرورت سکھی ہوا کرے گی

بچھڑ کے مجھ سے میری جان خوش رہا کرنا

تو خوش رہا تو مجھے بھی خوشی ہوا کرے گی

ہمارا خاص تعلق تو خیر تھا ہی نہیں

اور اب تو بات بھی بس سرسری ہوا کرے گی

تم اور میں تو یقیناً وہاں جنم لیں گے

کہیں خلا میں اگر زندگی ہوا کرے گی

kabhi kabhi to na hogi kabhi hua karegi

zarur tujh ko kisi ki kami hua karegi

rahegi aise hi raunaq tire mohalle ki

guzarne wale na honge gali hua karegi

jo ham na honge to phir kaun tum se mangega

tumhen hamari zarurat sakhi hua karegi

bichhar ke mujh se meri jan khush raha karna

tu khush raha to mujhe bhi khushi hua karegi

hamara khas taalluq to khair tha hi nahin

aur ab to bat bhi bas sarsari hua karegi

tum aur main to yaqinan wahan janam lenge

kahin khala mein agar zindagi hua karegi