راہ میں پڑتی تھی دیوار نہیں دیکھ سکا

راہ میں پڑتی تھی دیوار نہیں دیکھ سکا

میں کہ اس پار تھا اس پار نہیں دیکھ سکا

دیکھتا تھا جسے روزانہ کی بنیاد پہ میں

ایک دو سال سے اک بار نہیں دیکھ سکا

یار تو کیسے کسی شخص کی جاں لیتا ہے

میں تو اک چڑیا کو بیمار نہیں دیکھ سکا

اس پہ کیا غم کہ چرائی ہیں نگاہیں اس نے

میں بھی تو اس کو لگاتار نہیں دیکھ سکا

تو اے دشمن مری حالت کو کہاں دیکھے گا

میری جانب تو مرا یار نہیں دیکھ سکا

اس لیے عمر سے میں تجھ کو بڑا لگتا ہوں

تو میرے ہجر کی رفتار نہیں دیکھ سکا

ایسی ترتیب سے رکھا تھا سجا کر دانشؔ

مال میں نقص خریدار نہیں دیکھ سکا

rah mein parti thi diwar nahin dekh saka

main ke us par tha us par nahin dekh saka

dekhta tha jise rozana ki buniyad pe main

ek do sal se ik bar nahin dekh saka

yar to kaise kisi shakhs ki jan leta hai

main to ik chiriya ko bimar nahin dekh saka

us pe kya gham ke churai hain nigahen us ne

main bhi to us ko lagatar nahin dekh saka

tu ai dushman miri halat ko kahan dekhega

meri janib to mira yar nahin dekh saka

is liye umr se main tujh ko bara lagta hun

tu mere hijr ki raftar nahin dekh saka

aisi tartib se rakha tha saja kar danish

mal mein naqs kharidar nahin dekh saka