آواز کی دوری پہ کھڑا سوچ رہا ہوں

آواز کی دوری پہ کھڑا سوچ رہا ہوں

اب کون مجھے دے گا صدا سوچ رہا ہوں

چھوٹی سی نظر آتی ہے اطراف کی ہر شے

اس وقت میں کچھ اتنا بڑا سوچ رہا ہوں

کیا سوچنا تھا مجھ کو ترے بارے میں لیکن

افسوس ترے بارے میں کیا سوچ رہا ہوں

تو نے تو مرے بارے میں سوچا بھی نہیں ہے

میں پھر بھی کوئی اچھا برا سوچ رہا ہوں

جس دن سے اٹھیں مجھ پہ تری سبز سی آنکھیں

میں پیڑ نہیں پھر بھی ہرا سوچ رہا ہوں

نقصان بہت سے تھے گئے سال کے دانشؔ

لیکن ترے بارے میں بڑا سوچ رہا ہوں

awaz ki duri pe khara soch raha hun

ab kaun mujhe dega sada soch raha hun

chhoti si nazar ati hai atraf ki har shai

is waqt mein kuchh itna bara soch raha hun

kya sochna tha mujh ko tire bare mein lekin

afsos tire bare mein kya soch raha hun

tu ne to mire bare mein socha bhi nahin hai

main phir bhi koi achchha bura soch raha hun

jis din se uthen mujh pe tiri sabz si ankhen

main per nahin phir bhi hara soch raha hun

nuqsan bahut se the gae sal ke danish

lekin tire bare mein bara soch raha hun