پھر کسی سے ہے محبت آپ کو

پھر کسی سے ہے محبت آپ کو

جانے کب ہوگی ندامت آپ کو

پیار کے پرچے کا تھا پہلا سوال

یاد ہے پہلی محبت آپ کو

جائیے رکھ لیں گے ہم اپنا خیال

بے سبب دے دی تھی زحمت آپ کو

میں نہ کہتا تھا کہ پڑ ہی جائے گی

ایک دن خود کی ضرورت آپ کو

اک ولی نے یہ دعا دی خواب میں

یشؔ خدا رکھے سلامت آپ کو

phir kisi se hai mohabbat ap ko

jane kab hogi nadamat ap ko

pyar ke parche ka tha pahla sawal

yad hai pahli mohabbat ap ko

jaiye rakh lenge ham apna khayal

be sabab de di thi zahmat ap ko

main na kahta tha ke par hi jaegi

ek din khud ki zarurat ap ko

ik wali ne ye dua di khwab mein

yash khuda rakhe salamat ap ko