میں نے رشتوں سے نہ بڑھ کر کبھی پیسہ سمجھا

میں نے رشتوں سے نہ بڑھ کر کبھی پیسہ سمجھا

تو نے پیسوں سے نہ بڑھ کر کبھی رشتہ سمجھا

باپ سمجھا تو کسی نے مجھے دادا سمجھا

ماں نے لیکن مجھے ہر حال میں بچہ سمجھا

پیار تھا جس میں اسی آنکھ نے خوبی دیکھی

ورنہ دنیا نے نہ جانے مجھے کیا کیا سمجھا

ہر گلی چوک پہ رویا میں غم دل کے سبب

مرے جذبات کو سمجھا تو پرندہ سمجھا

دیکھتے دیکھتے وہ ہو گیا سچ کا قاتل

میں نے جس شخص کو ہر حال میں سچا سمجھا

گھر کے اندر کئی افراد سیاست داں تھے

بھائی بیٹا نہ سمجھ کر مجھے مہرہ سمجھا

اس کی کیوں سادہ مزاجی پہ نہ مر جاؤں سعودؔ

کم بھی پایا تو اسے اس نے زیادہ سمجھا

main ne rishton se na barh kar kabhi paisa samjha

tu ne paison se na barh kar kabhi rishta samjha

bap samjha to kisi ne mujhe dada samjha

man ne lekin mujhe har hal mein bachcha samjha

pyar tha jis mein isi ankh ne khubi dekhi

warna duniya ne na jane mujhe kya kya samjha

har gali chok pe roya mein gham-e-dil ke sabab

mire jazbat ko samjha to parinda samjha

dekhte dekhte wo ho gaya sach ka qatil

main ne jis shakhs ko har hal mein sachcha samjha

ghar ke andar kai afrad siyasat dan the

bhai beta na samajh kar mujhe mohra samjha

us ki kyun sada mizaji pe na mar jaun suud

kam bhi paya to use is ne ziyada samjha