یوں بھی آنکھوں میں کسی خواب کا ریشہ نہ بنے

یوں بھی آنکھوں میں کسی خواب کا ریشہ نہ بنے

کوئی پہچان نہ ہو ٹھیک سے چہرہ نہ بنے

ایسی تصویر بنا روتے ہوئے خوش بھی لگوں

غم کی ترسیل تو ہو غم کا تماشہ نہ بنے

مستحق ہوں تو کسی اور سے تصدیق بھی کر

مجھ کو مت دینا اگر میرا دلاسہ نہ بنے

جتنا پختہ بھی ہو دل جسم سے باہر رکھنا

تاکہ ٹوٹے بھی تو پھر سینے میں ملبہ نہ بنے

بس اسی شرط پہ کوئی بھی رہے آنکھوں میں

نیند کی سمت کسی خواب کا رستہ نہ بنے

جو بھی رشتہ ہو فقط میرا ہو تجھ سے دانشؔ

اور تو اور ترا مجھ سے بھی رشتہ نہ بنے

yun bhi ankhon mein kisi khwab ka resha na bane

koi pahchan na ho thik se chehra na bane

aisi taswir bana rote hue khush bhi lagun

gham ki tarsil to ho gham ka tamasha na bane

mustahiq hun to kisi aur se tasdiq bhi kar

mujh ko mat dena agar mera dilasa na bane

jitna pukhta bhi ho dil jism se bahar rakhna

take tute bhi to phir sine mein malba na bane

bas isi shart pe koi bhi rahe ankhon mein

nind ki samt kisi khwab ka rasta na bane

jo bhi rishta ho faqat mera ho tujh se danish

aur to aur tira mujh se bhi rishta na bane