قافیہ پر قافیہ حضرت رقم کرتے گئے

قافیہ پر قافیہ حضرت رقم کرتے گئے

اور غزل کے ہاتھ پیروں کو قلم کرتے گئے

ویسے ویسے سب عزیزوں کے چہیتے ہو گئے

جیسے جیسے چائے پانی محترم کرتے گئے

سمت منزل چلتے چلتے پاؤں روکے بار بار

اس کے طعنے روز لیکن تازہ دم کرتے گئے

کیا بتائیں آپ کو ان کی کرم فرمائیاں

ہم عنایت اور وہ ہم پر ستم کرتے گئے

جب سخن فہموں کی کم فہمی سے واقف ہو گئے

دن بہ دن ہم شعر گوئی کم سے کم کرتے گئے

جبکہ رسوائی ملا ہر خیر خواہی کا بدل

خیر خواہی پھر بھی ہم ہر ہر قدم کرتے گئے

qafiya par qafiya hazrat raqam karte gae

aur ghazal ke hath pairon ko qalam karte gae

waise waise sab azizon ke chahite ho gae

jaise jaise chae pani mohtaram karte gae

samt manzil chalte chalte paon roke bar bar

us ke taane roz lekin taza dam karte gae

kya bataen ap ko un ki karam farmaiyan

ham inayat aur wo ham par sitam karte gae

jab sukhan fahmon ki kam fahmi se waqif ho gae

din ba din ham sher goi kam se kam karte gae

jabke ruswai mila har khair khwahi ka badal

khair khwahi phir bhi ham har har qadam karte gae