کسی کاغذ کے سینے پر یہ جذبہ درج کر دینا

کسی کاغذ کے سینے پر یہ جذبہ درج کر دینا

مرے بھائی کے حق میں میرا حصہ درج کر دینا

کئی پہلو سبق آمیز اس قصے میں مبہم ہیں

ہمارے ساتھ گزرا ہے یہ قصہ درج کر دینا

اگر ہنسنے ہنسانے پر کوئی کالم لکھا جائے

تو میرے حکمرانوں کا رویہ درج کر دینا

گئے وقتوں میں رونا قرض تھا سو رو چکا ہوں میں

پرانا کاٹ دینا اور اگلا درج کر دینا

تصور میں قلم کچھ اس طرح گویا ہوا مجھ پر

کہیں دریا کے دل پر مجھ کو پیاسا درج کر دینا

کراماً کاتبیں تم کو قسم خلقت کے خالق کی

مری گستاخیوں پر لفظ توبہ درج کر دینا

اگر کاغذ کے چہرے کو سجانا ہو کبھی طاہرؔ

لب کاغذ پہ کوئی ایک مصرع درج کر دینا

kisi kaghaz ke sine par ye jazba darj kar dena

mire bhai ke haq mein mera hissa darj kar dena

kai pahlu sabaq amez is qisse mein mubham hain

hamare sath guzra hai ye qissa darj kar dena

agar hansne hansane par koi kalam likha jae

tu mere hukmranon ka rawayya darj kar dena

gae waqton mein rona qarz tha so ro chuka hun main

purana kat dena aur agla darj kar dena

tasawwur mein qalam kuchh is tarah goya hua mujh par

kahin dariya ke dil par mujh ko pyasa darj kar dena

kiraman katibin tum ko qasam khilqat ke khaliq ki

miri gustakhiyon par lafz tauba darj kar dena

agar kaghaz ke chehre ko sajana ho kabhi tahir

lab-e-kaghaz pe koi ek misra darj kar dena