Arooz is now on the App Store, for iPhone and iPad. Download →

All poetry

اس کی رحمت کر رہی ہے اس کے روزے کا طواف

Tahir Saood Kiratpuri (b. 1993)

اس کی رحمت کر رہی ہے اس کے روزے کا طواف

یہ جو بچہ کر رہا ہے سوکھے ٹکڑے کا طواف

جانے کس مصرع کی اب تقدیر لکھی جائے گی

کتنے مصرعے کر رہے ہیں ایک مصرعے کا طواف

وقت آخر بوڑھی ماں تصویر لے کر ہاتھ میں

دیر تک کرتی رہی بیٹے کے چہرے کا طواف

کوئی بھی یوں ہی نہیں پھرتا کسی کے ارد گرد

سب کیا کرتے ہیں عہدے اور رتبے کا طواف

تتلیاں کچھ اس طرح منڈلا رہی ہیں پھول پر

جیسے حاجی کر رہے ہوں حج میں کعبے کا طواف

کس قدر مشکل ہے گھر تعمیر کرنا دیکھ لے

ایک چڑیا کر رہی ہے کب سے تنکے کا طواف

مدتوں تڑپا ہوں تیرے گھر کے پھیروں کے لیے

اے خدا مقبول کیجو آج بوڑھے کا طواف