مشکل دن بھی آئے لیکن فرق نہ آیا یاری میں

مشکل دن بھی آئے لیکن فرق نہ آیا یاری میں

ہم نے پوری جان لگائی اس کی تابع داری میں

بے ایمانی کرتے تو پھر شاید جیت کے آ جاتے

چاہے ہار کے واپس آئے کھیلے اپنی باری میں

میٹھے میٹھے ہونٹ ہلائے کڑوی کڑوی باتیں کی

کیکر اور گلاب لگایا اس نے ایک کیاری میں

تیری جانب اٹھنے والی آنکھوں کا رخ موڑ لیا

ہم نے اپنے عیب دکھائے تیری پردہ داری میں

جانے اب وہ کس کے ساتھ نکلتا ہوگا راتوں کو

جانے کون لگاتا ہوگا دو گھنٹے تیاری میں

mushkil din bhi ae lekin farq na aya yari mein

ham ne puri jan lagai us ki tabe dari mein

be imani karte to phir shayad jit ke a jate

chahe har ke wapas ae khele apni bari mein

mithe mithe hont hilae karwi karwi baten ki

kikar aur gulab lagaya us ne ek kiyari mein

teri janib uthne wali ankhon ka rukh mor liya

ham ne apne aib dikhae teri parda dari mein

jane ab wo kis ke sath nikalta hoga raton ko

jane kaun lagata hoga do ghante tayyari mein