کچھ اس پہ سوچنا تھا مشورہ بھی کرنا تھا

کچھ اس پہ سوچنا تھا مشورہ بھی کرنا تھا

معاملے پہ ابھی تبصرہ بھی کرنا تھا

اسے بھی کہنا تھا اپنا خیال رکھنے کو

بچھڑتے وقت مجھے حوصلہ بھی کرنا تھا

کسی کے نام کے دن بھی بچا کے رکھنے تھے

اور ایک زندگی سا سلسلہ بھی کرنا تھا

وہ واقعات بھی دل سے مجھے بھلانے تھے

کہیں کہیں پہ رقم سانحہ بھی کرنا تھا

کہاں پہ آ کے کڑی سلسلے کی ٹوٹ گئی

کسی سے میں نے کہیں رابطہ بھی کرنا تھا

اسی مقام پہ عکس اپنے میں نے دفنائے

جہاں پہ نسب مجھے آئینہ بھی کرنا تھا

ابھی تو بات کا میں کر رہی تھی اندازہ

پہنچ کے تہ میں مجھے فیصلہ بھی کرنا تھا

نکل کے زندگی جیسی کڑی حقیقت سے

مجھے تو تلخ سا اک تجربہ بھی کرنا تھا

سنی ہیں اس کی ابھی تک شکایتیں میں نے

بیان اپنا کوئی مسئلہ بھی کرنا تھا

نکالنا تھی مجھے زندگی بھی مشکل سے

مکمل اب کے کوئی دائرہ بھی کرنا تھا

kuchh us pe sochna tha mashwara bhi karna tha

muamle pe abhi tabsira bhi karna tha

use bhi kahna tha apna khayal rakhne ko

bichharte waqt mujhe hausla bhi karna tha

kisi ke nam ke din bhi bacha ke rakhne the

aur ek zindagi sa silsila bhi karna tha

wo waqiat bhi dil se mujhe bhulane the

kahin kahin pe raqam saneha bhi karna tha

kahan pe a ke kari silsile ki tut gai

kisi se main ne kahin rabta bhi karna tha

usi maqam pe aks apne main ne dafnae

jahan pe nasab mujhe aina bhi karna tha

abhi to bat ka main kar rahi thi andaza

pahunch ke tah mein mujhe faisla bhi karna tha

nikal ke zindagi jaisi kari haqiqat se

mujhe to talkh sa ik tajriba bhi karna tha

suni hain us ki abhi tak shikayaten main ne

bayan apna koi masala bhi karna tha

nikalna thi mujhe zindagi bhi mushkil se

mukammal ab ke koi daira bhi karna tha