جب ایک خوف سا مرنے کا سر پہ بیٹھ گیا

جب ایک خوف سا مرنے کا سر پہ بیٹھ گیا

عجیب سایہ نحوست کا گھر پہ بیٹھ گیا

یہی کہانی تھی بس اپنی بادشاہت کی

فقیر ایک اٹھا ایک در پہ بیٹھ گیا

کہیں تو شہر میں ان بن کسی کے ساتھ ہوئی

جو دنیا چھوڑ کے ساری وہ گھر پہ بیٹھ گیا

تکلفات میں کچھ تو لحاظ باقی تھا

ذرا سی ڈھیل بھی کیا دی وہ سر پہ بیٹھ گیا

کسی کی جھوٹی اڑائی ہوئی سی بات سنی

زمانہ کان لگا کر خبر پہ بیٹھ گیا

سوار ہم ہوئے ایسے ہوا کے کاندھے پر

ہمارا پاؤں بھی جیسے سفر پہ بیٹھ گیا

jab ek khauf sa marne ka sar pe baith gaya

ajib saya nuhusat ka ghar pe baith gaya

yahi kahani thi bas apni badshahat ki

faqir ek utha ek dar pe baith gaya

kahin to shahr mein an ban kisi ke sath hui

jo duniya chhor ke sari wo ghar pe baith gaya

takallufat mein kuchh to lihaz baqi tha

zara si dhil bhi kya di wo sar pe baith gaya

kisi ki jhuti urai hui si bat suni

zamana kan laga kar khabar pe baith gaya

sawar ham hue aise hawa ke kandhe par

hamara paon bhi jaise safar pe baith gaya