میرے لفظوں سے چلی بات مرے لفظوں کی

میرے لفظوں سے چلی بات مرے لفظوں کی

طے ہوئی مجھ سے ملاقات مرے لفظوں کی

میں نے یہ دل کے خزانے سے چرائے ہوئے ہیں

کر نہیں سکتا کوئی بات مرے لفظوں کی

شعر در شعر بٹھائے گئے مسند پر شعر

یوں سجا دی گئی بارات مرے لفظوں کی

اس نے تصویر کو تصویر کیا اور لے لی

سیلفی ایک ایک مرے ساتھ مرے لفظوں کی

نظم پر نظم سنانے کی ہوئی فرمائش

یوں پذیرائی ہوئی رات مرے لفظوں کی

میری تحریر پہ مضمون لکھے جانے لگے

سر پہ پڑنے لگی برسات مرے لفظوں کی

بھیڑ یہ سر پہ نہیں اپنے بٹھا سکتی میں

کھینچ لیں آپ بھلے لات مرے لفظوں کی

تحفتاً تین کتابیں اسے بھیجیں میں نے

ہو قبول اس کو یہ سوغات مرے لفظوں کی

اس سیاہی سے ابھرتی ہے سویرے کی کرن

ڈھلنے لگتی ہے جہاں رات مرے لفظوں کی

پیرہن اس نے محبت کے معانی کو دئے

مالا پہنائی لگے ہاتھ مرے لفظوں کی

میں نے احساس کی بھٹی سے گزارا ہوا ہے

تم سمجھتے نہیں ہو بات مرے لفظوں کی

تاج سر پر ہے مگر پاؤں میں بیٹھی ہوئی ہوں

مجھ سے اونچی ہے سحرؔ ذات مرے لفظوں کے

mere lafzon se chali bat mire lafzon ki

tai hui mujh se mulaqat mire lafzon ki

main ne ye dil ke khazane se churae hue hain

kar nahin sakta koi bat mire lafzon ki

sher dar sher bithae gae masnad par sher

yun saja di gai barat mire lafzon ki

us ne taswir ko taswir kiya aur le li

sailfi ek ek mire sath mire lafzon ki

nazm par nazm sunane ki hui farmaish

yun pazirai hui rat mire lafzon ki

meri tahrir pe mazmun likhe jane lage

sar pe parne lagi barsat mire lafzon ki

bhir ye sar pe nahin apne bitha sakti mein

khinch len ap bhale lat mire lafzon ki

tuhafta tin kitaben use bhejen main ne

ho qubul us ko ye saughat mire lafzon ki

is siyahi se ubharti hai sawere ki kiran

dhalne lagti hai jahan rat mire lafzon ki

pairahan us ne mohabbat ke maani ko diye

mala pahnai lage hath mire lafzon ki

main ne ehsas ki bhatti se guzara hua hai

tum samajhte nahin ho bat mire lafzon ki

taj-e-sar par hai magar paon mein baithi hui hun

mujh se unchi hai sahar zat mire lafzon ke