آپ جو درد دل کی دوا دے گئے

آپ جو درد دل کی دوا دے گئے

مجھ کو جینے کا اک مدعا دے گئے

میں نے پوچھا مرا آسرا کون ہے

لکھ کے کاغذ پہ لفظ خدا دے گئے

میں جیوں تا قیامت قیامت ہے یہ

وہ دعا میں نہاں بد دعا دے گئے

پارہ پارہ دکھوں اس لئے وہ مجھے

ایک ٹوٹا ہوا آئنہ دے گئے

ہجر میں میں جیوں ہجر سے میں مروں

میرے منصف مرا فیصلہ دے گئے

ap jo dard-e-dil ki dawa de gae

mujh ko jine ka ik muddaa de gae

main ne puchha mira asra kaun hai

likh ke kaghaz pe lafz-e-khuda de gae

main jyun ta qayamat qayamat hai ye

wo dua mein nihan bad dua de gae

para para dukhon is liye wo mujhe

ek tuta hua aina de gae

hijr mein main jyun hijr se main marun

mere munsif mira faisla de gae