دل میں کوئی ارماں کوئی حسرت تو نہیں ہے

دل میں کوئی ارماں کوئی حسرت تو نہیں ہے

اب صبر سے بڑھ کر کوئی دولت تو نہیں ہے

دیکھوں تو گماں خلد کا ہوتا ہے کیوں اکثر

قدموں کے تلے ماں ترے جنت تو نہیں ہے

ڈرتا ہوں کہیں تم بھی مجھے چھوڑ نہ جاؤ

سہنے کی غم ہجر کی عادت تو نہیں ہے

غیروں سے مرے بارے میں تفتیش سی کرنا

اب تو ہی بتا کیا یہ محبت تو نہیں ہے

dil mein koi arman koi hasrat to nahin hai

ab sabr se barh kar koi daulat to nahin hai

dekhun to guman khuld ka hota hai kyun aksar

qadmon ke tale man tire jannat to nahin hai

darta hun kahin tum bhi mujhe chhor na jao

sahne ki gham-e-hijr ki adat to nahin hai

ghairon se mire bare mein taftish si karna

ab tu hi bata kya ye mohabbat to nahin hai