سب لوگ کہانی میں ہی مصروف رہے تھے

سب لوگ کہانی میں ہی مصروف رہے تھے

دراصل اداکار حقیقت میں مرے تھے

جاتے ہوئے کمرے کی کسی چیز کو چھو دے

میں یاد کروں گا کہ ترے ہاتھ لگے تھے

آنکھیں بھی تری فتح نہ کر پائے ابھی تک

کس لمحۂ بیکار میں ہم لوگ بنے تھے

ہم یوں ہی کسی بات کو دل پر نہیں لیتے

نقصان زیادہ تھے سو گھبرائے ہوئے تھے

اتنا ہی بتا سکتا ہوں احباب کے بارے

کچھ تیر مری پشت کی جانب سے چلے تھے

میں نے تو کہا تھا کہ نکل جاتے ہیں دونوں

اس وقت کہانی میں سبھی لوگ نئے تھے

sab log kahani mein hi masruf rahe the

darasl adakar haqiqat mein mire the

jate hue kamre ki kisi chiz ko chhu de

main yad karunga ke tire hath lage the

ankhen bhi tiri fath na kar pae abhi tak

kis lamha-e-bekar mein ham log bane the

ham yun hi kisi bat ko dil par nahin lete

nuqsan ziyada the so ghabrae hue the

itna hi bata sakta hun ahbab ke bare

kuchh tir miri pusht ki janib se chale the

main ne to kaha tha ke nikal jate hain donon

is waqt kahani mein sabhi log nae the