ایسی کوئی خطا نہیں کرتے

ایسی کوئی خطا نہیں کرتے

ہم کسی سے دغا نہیں کرتے

جاں کی پرواہ گر ہمیں ہوتی

تم سے عہد وفا نہیں کرتے

جاں بھی دے دیں مگر کہو تو ذرا

ہم وفا کش جفا نہیں کرتے

بات کرتے وفاؤں کی ہیں مگر

لوگ ہی حق ادا نہیں کرتے

کرکے احساں چھپا لیا کیجے

جو کیا ہے کہا نہیں کرتے

ہے حلیمی بجا مگر تابشؔ

اس قدر بھی جھکا نہیں کرتے

aisi koi khata nahin karte

ham kisi se dagha nahin karte

jan ki parwah gar hamen hoti

tum se ahd-e-wafa nahin karte

jan bhi de den magar kaho to zara

ham wafa kash jafa nahin karte

bat karte wafaon ki hain magar

log hi haq ada nahin karte

karke ehsan chhupa liya kije

jo kya hai kaha nahin karte

hai halimi baja magar tabish

is qadar bhi jhuka nahin karte