درد دل درد جگر اچھا لگا

درد دل درد جگر اچھا لگا

لمس دست چارہ گر اچھا لگا

درد اٹھا جھوم کر اچھا لگا

تیرا شانہ میرا سر اچھا لگا

جس کے سائے میں ملا کرتے تھے ہم

باغ میں تنہا شجر اچھا لگا

تیری خلوت تیری محفل خوب ہے

تیرا کوچہ تیرا گھر اچھا لگا

مسکرا کے دل لیا پھر کھو گئے

آپ کا یہ بھی ہنر اچھا لگا

ڈر کے میرے سینے سے لگنا ترا

موسم برق و شرر اچھا لگا

تلخیوں سے انسیت ہونے لگی

ساقیا مے کا اثر اچھا لگا

میں تھا وہ تھے اور تھی رعنائیاں

غالباً تابشؔ سفر اچھا لگا

dard-e-dil dard-e-jigar achchha laga

lams dast-e-chara gar achchha laga

dard utha jhum kar achchha laga

tera shana mera sar achchha laga

jis ke sae mein mila karte the ham

bagh mein tanha shajar achchha laga

teri khalwat teri mahfil khub hai

tera kucha tera ghar achchha laga

muskura ke dil liya phir kho gae

ap ka ye bhi hunar achchha laga

dar ke mere sine se lagna tira

mausam-e-barq-o-sharar achchha laga

talkhiyon se unsiyat hone lagi

saqiya mai ka asar achchha laga

main tha wo the aur thi raanaiyan

ghaliban tabish safar achchha laga