پارسائی کی بات کرتے ہو

پارسائی کی بات کرتے ہو

کیوں خدائی کی بات کرتے ہو

جبکہ ملنا ہی غیر ممکن ہے

کیوں جدائی کی بات کرتے ہو

تم وفاؤں سے غیر واقف ہو

بے وفائی کی بات کرتے ہو

تم سراپا ہو کج روی لیکن

کج ادائی کی بات کرتے ہو

زلف جاناں کا ہوں اسیر مگر

تم رہائی کی بات کرتے ہو

یہ فریبوں کا دور ہے تابشؔ

تم بھلائی کی بات کرتے ہو

parsai ki bat karte ho

kyun khudai ki bat karte ho

jabke milna hi ghair mumkin hai

kyun judai ki bat karte ho

tum wafaon se ghair waqif ho

be wafai ki bat karte ho

tum sarapa ho kaj rawi lekin

kaj adai ki bat karte ho

zulf janan ka hun asir magar

tum rihai ki bat karte ho

ye farebon ka daur hai tabish

tum bhalai ki bat karte ho