صدائے کن ہوئی یکسر وجود میں آیا

صدائے کن ہوئی یکسر وجود میں آیا

میں بھر چکا تو سمندر وجود میں آیا

اور اس سے پہلے یہاں کچھ نہیں تھا کچھ بھی نہیں

یہ میرے دیکھتے منظر وجود میں آیا

خدا کو شکل کی حسرت ہوئی تھی جس لمحے

سنا ہے تب مرا پیکر وجود میں آیا

اسے بتایا تھا میں نے میں رنگ لاتا نہیں

وہ جانتے ہوئے بنجر وجود میں آیا

یہ لوگ جس کا تصور بھی کر نہیں سکتے

وہ میرے واسطے اکثر وجود میں آیا

وہ ٹوٹ پھوٹ کسی کام آ گئی فیصلؔ

میں پہلے سے کہیں بہتر وجود میں آیا

sadae kin hui yaksar wajud mein aya

main bhar chuka to samundar wajud mein aya

aur is se pahle yahan kuchh nahin tha kuchh bhi nahin

ye mere dekhte manzar wajud mein aya

khuda ko shakl ki hasrat hui thi jis lamhe

suna hai tab mira paikar wajud mein aya

use bataya tha main ne main rang lata nahin

wo jante hue banjar wajud mein aya

ye log jis ka tasawwur bhi kar nahin sakte

wo mere waste aksar wajud mein aya

wo tut phut kisi kam a gai faisal

main pahle se kahin behtar wajud mein aya