میں گراں بار تھا اس واسطے کم مایہ تھا

میں گراں بار تھا اس واسطے کم مایہ تھا

تجھ کو کیوں روندا گیا تو تو فقط سایہ تھا

کل کھلا کتنے دنوں بعد یہ دروازۂ دل

کل کوئی کتنے دنوں بعد یہاں آیا تھا

بار بار اٹھتی تھیں آنکھیں مری خنجر کی طرف

کتنی مشکل سے میں شب خود کو بچا پایا تھا

پھر مرے ہاتھ میں اک روشنی در آئی تھی

میں نے کچھ دیر کسی ہاتھ کو سہلایا تھا

پھر مری بات سنی ان سنی کرنے لگے لوگ

میں نے اک روز کسی بات کو دہرایا تھا

کل مرے کمرے میں مہکار تھی فیصلؔ کیا کیا

کل مرے کمرے میں پھولوں کا خدا آیا تھا

main giran bar tha is waste kam maya tha

tujh ko kyun ronida gaya to to faqat saya tha

kal khula kitne dinon baad ye darwaza-e-dil

kal koi kitne dinon baad yahan aya tha

bar bar uthti thin ankhen miri khanjar ki taraf

kitni mushkil se main shab khud ko bacha paya tha

phir mire hath mein ik raushni dar ai thi

main ne kuchh der kisi hath ko sehlaya tha

phir miri bat suni an suni karne lage log

main ne ik roz kisi bat ko dohraya tha

kal mire kamre mein mahkar thi faisal kya kiya

kal mire kamre mein phulon ka khuda aya tha