اسے بھی رسم کا حصہ بتایا جاتا ہے

اسے بھی رسم کا حصہ بتایا جاتا ہے

ہمیں گھسیٹ کے بازار لایا جاتا ہے

تو کیا بعید کہ ہم سر خرو بھی ہو جائیں

ہمارا ظرف اگر آزمایا جاتا ہے

گزشتہ عہد میں ہم شہر سے نکالے گئے

نجانے اب کے ہمیں کیا سنایا جاتا ہے

اب ایسے حال میں کیا قہقہوں کی فرمائش

یہی بہت ہے اگر مسکرایا جاتا ہے

تمہیں تو لوریاں شاید سنائی جاتی ہوں

ہمیں تو تھپکیاں دے کر سلایا جاتا ہے

اسی لیے تو مجھے روشنی پسند نہیں

جہاں بھی جاؤں مرے ساتھ سایا جاتا ہے

use bhi rasm ka hissa bataya jata hai

hamen ghasit ke bazar laya jata hai

to kya baid ke ham sar kharo bhi ho jaen

hamara zarf agar azmaya jata hai

guzishta ahd mein ham shahr se nikale gae

nijane ab ke hamen kya sunaya jata hai

ab aise hal mein kya qahqahon ki farmaish

yahi bahut hai agar muskuraya jata hai

tumhen to loriyan shayad sunai jati hun

hamen to thapakiyan de kar sulaya jata hai

isi liye to mujhe raushni pasand nahin

jahan bhi jaun mire sath saya jata hai