بھلے سکوت میں ٹوٹے یا کو بہ کو ٹوٹے

بھلے سکوت میں ٹوٹے یا کو بہ کو ٹوٹے

میں چاہتا ہوں کہ اندر کی ہاؤ ہو ٹوٹے

تمہاری خاک سے تعمیر کیا نہیں ہوتا

مرے وجود کو پیکر ملے جو تو ٹوٹے

میں چاہتا ہوں تجھے دیکھ کر عبادت ہو

میں چاہتا ہوں تجھے دیکھ کر وضو ٹوٹے

یہ رات مشک فشاں اور نور افشاں ہو

کبھی اگر جو مرا خواب رنگ و بو ٹوٹے

کبھی تو خواب پریشاں بھی محو غفلت ہو

کبھی تو فکر و تردد کی جستجو ٹوٹے

دکھائی دے گی ہمیں روبرو حقیقت پھر

اگر یہ وہم کی مورت جو چار سو ٹوٹے

bhale sukut mein tute ya ku ba ku tute

main chahta hun ke andar ki hao ho tute

tumhari khak se taamir kya nahin hota

mire wajud ko paikar mile jo tu tute

main chahta hun tujhe dekh kar ibadat ho

main chahta hun tujhe dekh kar wuzu tute

ye rat mushk fishan aur nur afshan ho

kabhi agar jo mira khwab rang-o-bu tute

kabhi to khwab-e-pareshan bhi mahw-e-ghaflat ho

kabhi to fikr-o-taraddud ki justuju tute

dikhai degi hamen rubaru haqiqat phir

agar ye wahm ki murat jo char su tute