حسین خواب کے نقش و نگار کیوں ٹوٹے

حسین خواب کے نقش و نگار کیوں ٹوٹے

خلاف باعث تعبیر تھے سو یوں ٹوٹے

میں اس لئے بھی ترے سحر میں ابھی تک ہوں

میں چاہتا ہی نہیں ہوں ترا فسوں ٹوٹے

میں ہار جاؤں مگر جیت چھین لوں تجھ سے

کے اس مقام پہ آ کر مرا جنوں ٹوٹے

جہان بھر میں دکھائی دے واہمہ میرا

گرے جو خواب کبھی آنکھ سے تو یوں ٹوٹے

شدید شور فغاں چار سو سنائی دے

سکوت کا جو مرے درمیاں ستوں ٹوٹے

کبھی رکھا ہی نہیں دل کو ہاتھ پر میں نے

کبھی گرا ہی نہیں دل تو پھر یہ کیوں ٹوٹے

اسے شکست نہیں ظرف تو سمجھ اس کا

وہ تیرے سامنے ہو کر جو سرنگوں ٹوٹے

hasin khwab ke naqsh-o-nigar kyun tute

khilaf bais taabir the so yun tute

main is liye bhi tire sehr mein abhi tak hun

main chahta hi nahin hun tira fusun tute

main har jaun magar jit chhin lun tujh se

ke us maqam pe a kar mira junun tute

jahan bhar mein dikhai de wahima mera

gire jo khwab kabhi ankh se to yun tute

shadid shor-e-fughan char su sunai de

sukut ka jo mire darmiyan sutun tute

kabhi rakha hi nahin dil ko hath par main ne

kabhi gira hi nahin dil to phir ye kyun tute

use shikast nahin zarf to samajh us ka

wo tere samne ho kar jo sarnigun tute