پہلے تو یہ لگا مجھے اس پار گر گئی

پہلے تو یہ لگا مجھے اس پار گر گئی

پھر یوں ہوا کہ مجھ پہ ہی دیوار گر گئی

سینچا لہو سے اس کا دل داغدار اور

میرے بدن میں خون کی مقدار گر گئی

ہونے لگی ہے برق سے میری مماثلت

کچھ اس لحاظ سے مری رفتار گر گئی

اس کی نگاہ ناز سے لشکر بھی کٹ گئے

پھر کیا کہ میرے ہاتھ سے تلوار گر گئی

پھر زندگی کی موج سے کشتی ہوئی تباہ

جب دست نارسائی سے پتوار گر گئی

میں بھی مرے نظام سے اوپر چلا گیا

وہ بھی حد نظام سے بے کار گر گئی

pahle to ye laga mujhe us par gir gai

phir yun hua ke mujh pe hi diwar gir gai

sincha lahu se us ka dil daghdar aur

mere badan mein khun ki miqdar gir gai

hone lagi hai barq se meri mumasalat

kuchh is lihaz se miri raftar gir gai

us ki nigah-e-naz se lashkar bhi kat gae

phir kya ke mere hath se talwar gir gai

phir zindagi ki mauj se kashti hui tabah

jab dast-e-narasai se patwar gir gai

main bhi mire nizam se upar chala gaya

wo bhi had-e-nizam se be kar gir gai