اس کو فراق یار کا مطلب نہیں پتہ
Kaif Uddin Khan (b. 2000)اس کو فراق یار کا مطلب نہیں پتہ
مطلب اسے بھی پیار کا مطلب نہیں پتہ
مرنا تو چاہتے ہیں مگر کیا کریں کہ جب
سانسوں کو اختیار کا مطلب نہیں پتہ
مجھ کو بھی اب یقین کسی بات پر نہیں
اس کو بھی اعتبار کا مطلب نہیں پتہ
رکھتے ہو تم حساب غم زندگی کا جو
کیا تم کو بے شمار کا مطلب نہیں پتہ
اس سے گلہ کریں بھی اگر ہم تو کس لیے
جس کو کہ غم گسار کا مطلب نہیں پتہ
گو کر رہا ہے گل کی حفاظت شجر مگر
پت جھڑ کو نوبہار کا مطلب نہیں پتہ
us ko firaq-e-yar ka matlab nahin pata
matlab use bhi pyar ka matlab nahin pata
marna to chahte hain magar kya karen ke jab
sanson ko ikhtiyar ka matlab nahin pata
mujh ko bhi ab yaqin kisi bat par nahin
us ko bhi etibar ka matlab nahin pata
rakhte ho tum hisab-e-gham-e-zindagi ka jo
kya tum ko be shumar ka matlab nahin pata
us se gila karen bhi agar ham to kis liye
jis ko ke gham gusar ka matlab nahin pata
go kar raha hai gul ki hifazat shajar magar
pat jhar ko naubahar ka matlab nahin pata