ماحول مناسب ہو تو اوپر نہیں جاتے

ماحول مناسب ہو تو اوپر نہیں جاتے

ہم تازہ گھٹن چھوڑ کے چھت پر نہیں جاتے

دیکھو مجھے اب میری جگہ سے نہ ہلانا

پھر تم مجھے ترتیب سے رکھ کر نہیں جاتے

بدنام ہیں صدیوں سے ہی کانٹوں کی وجہ سے

عادت سے مگر آج بھی کیکر نہیں جاتے

جس دن سے شکاری نے ادا کی کوئی منت

دربار پہ اس دن سے کبوتر نہیں جاتے

سو تم مجھے حیرت زدہ آنکھوں سے نہ دیکھو

کچھ لوگ سنبھل جاتے ہیں سب مر نہیں جاتے

mahaul munasib ho to upar nahin jate

ham taza ghutan chhor ke chhat par nahin jate

dekho mujhe ab meri jagah se na hilana

phir tum mujhe tartib se rakh kar nahin jate

badnam hain sadiyon se hi kanton ki wajh se

adat se magar aj bhi kikar nahin jate

jis din se shikari ne ada ki koi minnat

darbar pe us din se kabutar nahin jate

so tum mujhe hairat zada ankhon se na dekho

kuchh log sambhal jate hain sab mar nahin jate