تو نہیں ہے تو مری شام اکیلی چپ ہے

تو نہیں ہے تو مری شام اکیلی چپ ہے

یاد میں دل کی یہ ویران حویلی چپ ہے

ہر طرف تھی بڑی مہکار میرے آنگن میں

اپنے پھولوں کے لئے میری چنبیلی چپ ہے

بولتے ہاتھ بھی خاموش ہوئے بیٹھے ہیں

اک مقدر کی طرح میری ہتھیلی چپ ہے

بھید کھلتا ہی نہیں کیسی اداسی چھائی

بوجھ سکتا نہیں کوئی وہ پہیلی چپ ہے

اتنا ہنستی تھی کہ آنسو نکل آتے تھے صباؔ

یہ نئی بات بہاروں کی سہیلی چپ ہے

to nahin hai to miri sham akeli chup hai

yad mein dil ki ye wiran haweli chup hai

har taraf thi bari mahkar mere angan mein

apne phulon ke liye meri chambeli chup hai

bolte hath bhi khamosh hue baithe hain

ik muqaddar ki tarah meri hatheli chup hai

bhed khulta hi nahin kaisi udasi chhai

bojh sakta nahin koi wo paheli chup hai

itna hansti thi ke ansu nikal ate the saba

ye nai bat baharon ki saheli chup hai