اگر نہیں ہے اجازت سوال مت کرنا

اگر نہیں ہے اجازت سوال مت کرنا

اور اپنے دل میں زیادہ ملال مت کرنا

نہیں تھی کوئی خبر کیا ہے آس پاس مرے

میں اپنی سوچ میں گم تھی خیال مت کرنا

خوشی سے گزرے یہ سب کے لئے تو اچھا ہے

یہ زندگی ہے اسے بھی وبال مت کرنا

صباؔ جو آئے گی مشکل وہ حل بھی کر لیں گے

خود اپنے واسطے جینا محال مت کرنا

agar nahin hai ijazat sawal mat karna

aur apne dil mein ziyada malal mat karna

nahin thi koi khabar kya hai as pas mire

main apni soch mein gum thi khayal mat karna

khushi se guzre ye sab ke liye to achchha hai

ye zindagi hai use bhi wabal mat karna

saba jo aegi mushkil wo hal bhi kar lenge

khud apne waste jina muhal mat karna