جان گئے تو مان لیا

جان گئے تو مان لیا

یوں تجھ کو پہچان لیا

دنیا بھیدوں والی نے

کیسا پردہ تان لیا

دل والوں کی بستی سے

تو نے کیا سامان لیا

مشکل سے حل ہوتا ہے

قصہ جو آسان لیا

کیا مانیں ہم دل کی بات

دل بھی تو نادان لیا

منزل پھر بھی دور رہی

صحراؤں کو چھان لیا

میٹھے میٹھے بولوں کا

دل نے کیسا دان لیا

jan gae to man liya

yun tujh ko pahchan liya

duniya bhedon wali ne

kaisa parda tan liya

dil walon ki basti se

tu ne kya saman liya

mushkil se hal hota hai

qissa jo asan liya

kya manen ham dil ki bat

dil bhi to nadan liya

manzil phir bhi dur rahi

sahraon ko chhan liya

mithe mithe bolon ka

dil ne kaisa dan liya