جو بھی ہوگا وار دیکھا جائے گا

جو بھی ہوگا وار دیکھا جائے گا

غم نہ کر غم خوار دیکھا جائے گا

کس طرح منوا لیا جائے تجھے

اے مرے فن کار دیکھا جائے گا

چل دیئے تو پھر کہیں رکنا نہیں

راستہ دشوار دیکھا جائے گا

انتظار اب تو نہیں ہے انتظار

اے دل بیزار دیکھا جائے گا

ہجر کے صحرا کا ایسا ذکر کیا

اے شب بیدار دیکھا جائے گا

وقت کرتا ہے صباؔ کچھ فیصلے

وقت کو ہر بار دیکھا جائے گا

jo bhi hoga war dekha jaega

gham na kar gham khwar dekha jaega

kis tarah manwa liya jae tujhe

ai mire fan kar dekha jaega

chal diye to phir kahin rukna nahin

rasta dushwar dekha jaega

intizar ab to nahin hai intizar

ai dil-e-bezar dekha jaega

hijr ke sahra ka aisa zikr kya

ai shab-e-bedar dekha jaega

waqt karta hai saba kuchh faisle

waqt ko har bar dekha jaega