جب کبھی حادثات نے مارا

جب کبھی حادثات نے مارا

یوں لگا کائنات نے مارا

وہ جو منصور کی ادا ٹھہری

اس کو اظہار ذات نے مارا

لوگ دنیا کا غم اٹھاتے ہیں

ہم کو چھوٹی سی بات نے مارا

ہم نہ منہ پھیر کر گزر پائے

چند لمحوں کے سات نے مارا

دن تو کٹ ہی گیا تھا ان کا مگر

کم نصیبوں کو رات نے مارا

موت کا دم صبا غنیمت ہے

ورنہ پل پل حیات نے مارا

jab kabhi hadsat ne mara

yun laga kainat ne mara

wo jo mansur ki ada thahri

us ko izhar-e-zat ne mara

log duniya ka gham uthate hain

ham ko chhoti si bat ne mara

ham na munh pher kar guzar pae

chand lamhon ke sat ne mara

din to kat hi gaya tha un ka magar

kam nasibon ko rat ne mara

maut ka dam saba ghanimat hai

warna pal pal hayat ne mara