قلم کو اس لئے تلوار کرنا

قلم کو اس لئے تلوار کرنا

کہ بڑھ کے ظلم پر ہے وار کرنا

ملی ہے زندگی تو ہم نے سوچا

ہمیں کیسا یہاں کردار کرنا

بھلا پہلے ہی پتھر کیوں بچھائے

اگر تھا راستہ ہموار کرنا

جہاں پر ماں کو گہری نیند آئی

اسی مٹی کا ہے دیدار کرنا

صباؔ ہے آزمائش کا تسلسل

کہ دریاؤں پہ دریا پار کرنا

qalam ko is liye talwar karna

ke barh ke zulm par hai war karna

mili hai zindagi to ham ne socha

hamen kaisa yahan kirdar karna

bhala pahle hi patthar kyun bichhae

agar tha rasta hamwar karna

jahan par man ko gahri nind ai

isi mitti ka hai didar karna

saba hai azmaish ka tasalsul

ke dariyaon pe dariya par karna