عقل کے دشمن بھی ہم ٹھہرے دل کا بھی نقصان کیا

عقل کے دشمن بھی ہم ٹھہرے دل کا بھی نقصان کیا

ذوق طلب کی آڑ میں حیرتؔ نفس نے کیا حیران کیا

خلق کیا ہوگا آدم کو واقعی حضرت یزداں نے

لیکن اس کا نام بتاؤ جس نے اسے انسان کیا

رام تھے مریادا پرشوتم رام کی باتیں رہنے دو

اور بتاؤ اس دنیا میں کس نے کس کا مان کیا

ہم کچھ بھی تو نہیں تھے لیکن آپا یار بری شے ہے

پہروں اپنی یاد میں روئے جب بھی تیرا دھیان کیا

اب یہ تکلف بھی دنیا میں لوگ کہاں فرماتے ہیں

تو نے پوچھا حال ہمارا یار بڑا احسان کیا

دل تو اسی خاطر ہوتا ہے کیا یہ تمہیں معلوم نہ تھا

حیرتؔ کیوں بربادئ دل پر جی اتنا ہلکان کیا

aql ke dushman bhi ham thahre dil ka bhi nuqsan kiya

zauq-e-talab ki ar mein hairat nafas ne kya hairan kya

khalq kya hoga adam ko waqai hazrat yazdan ne

lekin us ka nam batao jis ne use insan kya

ram the miriada purushottam ram ki baten rahne do

aur batao is duniya mein kis ne kis ka man kya

ham kuchh bhi to nahin the lekin apa yar buri shai hai

pahron apni yad mein roe jab bhi tera dhyan kiya

ab ye takalluf bhi duniya mein log kahan farmate hain

tu ne puchha hal hamara yar bara ehsan kiya

dil to isi khatir hota hai kya ye tumhen maalum na tha

hairat kyun barbadi-e-dil par ji itna halkan kiya