اپنے رنج و غم بانٹے ہم سے با خبر نکلے

اپنے رنج و غم بانٹے ہم سے با خبر نکلے

ساتھ چلنے والوں میں کوئی ہم سفر نکلے

بے سعادتی ٹھہرے خواہ اب ہنر نکلے

سب نے جس سے روکا تھا ہم وہ کام کر نکلے

اک عجیب سناٹا محو شعر خوانی تھا

ہم جہاں جہاں پہونچے ہم جدھر جدھر نکلے

جانے کس کے ہاتھ آئیں اور کیا فضا پائیں

پھر علامتیں بن کر میرے بال و پر نکلے

گہرے پانیوں سے کیا اور دوستو ملتا

میری خالی آنکھوں میں سینکڑوں بھنور نکلے

منزلوں کے پیچھے بھی اور منزلیں ہوں گی

رہ گزر سے آگے بھی کوئی رہ گزر نکلے

کائنات کی ہستی اک فضائے سرمستی

جیسے چاندنی شب میں ذہن گشت پر نکلے

ہم نے ان کو دیکھا ہے ہم نے ان کو پرکھا ہے

جتنے دیدہ ور نکلے خاصے کم نظر نکلے

صرف میں نہ تھا تنہا زد میں دھوپ کی ایسا

میری طرح کے ہر سو انگنت شجر نکلے

کیا بھرے زمانے میں بس یہی نہیں ممکن

میں کہیں ٹھہر جاؤں کوئی میرا گھر نکلے

دوسروں نے کیا حیرتؔ غم کو غم نہیں سمجھا

ہم مگر غلط نکلے اور کس قدر نکلے

apne ranj-o-gham bante ham se ba khabar nikle

sath chalne walon mein koi ham safar nikle

be saadati thahre khwah ab hunar nikle

sab ne jis se roka tha ham wo kam kar nikle

ik ajib sannata mahw-e-sher khwani tha

ham jahan jahan pahunche ham jidhar jidhar nikle

jane kis ke hath aen aur kiya faza paen

phir alamaten ban kar mere bal-o-par nikle

gahre paniyon se kya aur dosto milta

meri khali ankhon mein sainkron bhanwar nikle

manzilon ke pichhe bhi aur manzilen hongi

rah guzar se age bhi koi rah guzar nikle

kainat ki hasti ik faza-e-sarmasti

jaise chandni shab mein zehn gasht par nikle

ham ne un ko dekha hai ham ne un ko parkha hai

jitne dida war nikle khasse kam nazar nikle

sirf main na tha tanha zad mein dhup ki aisa

meri tarah ke har su anginat shajar nikle

kya bhare zamane mein bas yahi nahin mumkin

main kahin thahar jaun koi mera ghar nikle

dusron ne kya hairat gham ko gham nahin samjha

ham magar ghalat nikle aur kis qadar nikle