نادانیوں کو ایک نیا رنگ دے دیا

نادانیوں کو ایک نیا رنگ دے دیا

دانستہ میں نے ہاتھ تہ سنگ دے دیا

میرا خیال تھا یہ کوئی نیک کام ہے

میں نے تمہارے درد کو آہنگ دے دیا

دنیا میں اور مجھ میں پھر اک بار ٹھن گئی

فطرت نے میرے ہاتھ میں پھر چنگ دے دیا

اے زندگی بس اب مرے دامن کو چھوڑ دے

جب تک بنا خوشی سے ترا سنگ دے دیا

پتھر ہی تھا وہ جس پہ میں بکھرا تھا ٹوٹ کر

لوگوں نے اس کو رتبۂ اورنگ دے دیا

حیرتؔ جب اپنا جادو جگانے پہ آئے ہیں

جینے کو ہم نے مرتبۂ جنگ دے دیا

nadaniyon ko ek naya rang de diya

danista main ne hath tah-e-sang de diya

mera khayal tha ye koi nek kam hai

main ne tumhare dard ko ahang de diya

duniya mein aur mujh mein phir ik bar than gai

fitrat ne mere hath mein phir chang de diya

ai zindagi bas ab mire daman ko chhor de

jab tak bana khushi se tira sang de diya

patthar hi tha wo jis pe main bikhra tha tut kar

logon ne us ko rutba-e-aurang de diya

hairat jab apna jadu jagane pe ae hain

jine ko ham ne martaba-e-jang de diya