چھوڑ دے کرب انا موجۂ پر خم بننا

چھوڑ دے کرب انا موجۂ پر خم بننا

زندگی سیکھ گئی گیسوئے برہم بننا

کیا کوئی اور تصرف نہ تھا اس کا ممکن

کیسی مٹی کے مقدر میں تھا آدم بننا

ہاں خمیر ایک ہی درکار ہے دونوں کے لئے

چشم جاناں ہو کہ پیمانۂ زمزم بننا

مدعی مرہم ہر زخم کے ہونے والے

آ گیا راس تجھے کیا غم عالم بننا

ہر سنورتی ہوئی تقدیر ہے ماتھے پہ شکن

ہر ابھرتی ہوئی تصویر کو مبہم بننا

اور بھی دہکے رہو دہکے رہو دہکے رہو

آ ہی جائے گا کبھی پھول پہ شبنم بننا

کیوں مجھے یاد دلاتا ہے ازل کے دن کی

میری صورت کا ترے ذہن میں کم کم بننا

ہر تبسم رہا مرہون فغاں کا حیرتؔ

ہر مسرت کو پڑا بار گہہ غم بننا

chhor de karb-e-ana mauja-e-pur kham banna

zindagi sikh gai gesu-e-barham banna

kya koi aur tasarruf na tha us ka mumkin

kaisi mitti ke muqaddar mein tha adam banna

han khamir ek hi darkar hai donon ke liye

chashm-e-janan ho ke paimana-e-zamzam banna

muddai marham har zakhm ke hone wale

a gaya ras tujhe kya gham-e-alam banna

har sanwarti hui taqdir hai mathe pe shikan

har ubharti hui taswir ko mubham banna

aur bhi dahke raho dahke raho dahke raho

a hi jaega kabhi phul pe shabnam banna

kyun mujhe yad dilata hai azal ke din ki

meri surat ka tire zehn mein kam kam banna

har tabassum raha marhun-e-fughan ka hairat

har masarrat ko para bar gah gham banna