تسلیم ان آنکھوں کا اعجاز مسیحائی

تسلیم ان آنکھوں کا اعجاز مسیحائی

لیکن یہ بتا آخر کس کس نے شفا پائی

ویرانۂ حسرت میں تم کیسے چلے آئے

ہو جائے نہ پھر برہم مجھ سے مری تنہائی

ہر شہر نگاراں کا دستور یہی دیکھا

چپ رہئے تو محرومی کچھ کہیے تو رسوائی

ملحوظ نظر جب تک آداب رہے غم کے

جینے سے بھی شرمائے مرتے بھی حیا آئی

تفسیر جنوں حیرتؔ موضوع ہی ایسا تھا

دنیا مری باتوں پر مشکل سے یقیں لائی

taslim in ankhon ka ejaz-e-masihai

lekin ye bata akhir kis kis ne shifa pai

wirana-e-hasrat mein tum kaise chale ae

ho jae na phir barham mujh se miri tanhai

har shahr-e-nigaran ka dastur yahi dekha

chup rahiye to mahrumi kuchh kahiye to ruswai

malhuz nazar jab tak adab rahe gham ke

jine se bhi sharmae marte bhi haya ai

tafsir-e-junun hairat mauzu hi aisa tha

duniya miri baton par mushkil se yaqin lai