کھڑے ہیں سامنے احباب اجگروں کی طرح

کھڑے ہیں سامنے احباب اجگروں کی طرح

بلا رہا ہے بیاباں کھلے دروں کی طرح

سبک خرام تناظر مقدروں کی طرح

فراز وقت پہ کیا ہے کٹے سروں کی طرح

وہ شخص اتنا ہی پیاسا بھی ہوگا اندر سے

ہلورے لے تو رہا ہے سمندروں کی طرح

خلا میں ڈوب نہ جاؤں کہیں مہک بن کر

مجھے سمیٹ لو آنکھوں میں منظروں کی طرح

شکست خواب کی آواز بازگشت ہوں میں

مجھے سنبھل کے برتنا محاوروں کی طرح

نہ جانے کون ہے خالق ان آبگینوں کا

خیال ذہن میں آتے ہیں پیکروں کی طرح

اب اور ہی کوئی دنیا مجھے عطا فرما

بساط دشت بھی محدود ہے گھروں کی طرح

اماں ملے گی مجھے بحر و بر میں جانے کہاں

گرا ہوں ٹوٹ کے اڑتے ہوئے پروں کی طرح

جھنجھوڑ مت مجھے ایسے میں کرب نیم شبی

نوائے میرؔ بھی چبھتی ہے نشتروں کی طرح

کمال عصر ہے بے چہرگی مگر حیرتؔ

سخنوروں سے تو ملیے سخنوروں کی طرح

khare hain samne ahbab ajgaron ki tarah

bala raha hai bayaban khule darun ki tarah

subuk khiram tanazur muqaddaron ki tarah

faraz waqt pe kya hai kate saron ki tarah

wo shakhs itna hi pyasa bhi hoga andar se

hilore le to raha hai samundaron ki tarah

khala mein dub na jaun kahin mahak ban kar

mujhe samet lo ankhon mein manzaron ki tarah

shikast-e-khwab ki awaz-e-bazgasht hun main

mujhe sambhal ke baratna muhawaron ki tarah

na jane kaun hai khaliq in abginon ka

khayal zehn mein ate hain paikaron ki tarah

ab aur hi koi duniya mujhe ata farma

bisat-e-dasht bhi mahdud hai gharon ki tarah

aman milegi mujhe bahr-o-bar mein jane kahan

gira hun tut ke urte hue paron ki tarah

jhinjhor mat mujhe aise mein karb-e-nim shbai

nawa-e-mir bhi chubhti hai nashtaron ki tarah

kamal-e-asr hai be chehragi magar hairat

sukhanwaron se to miliye sukhanwaron ki tarah