کل آسمان جیسے کوئی شعلہ زار تھا

کل آسمان جیسے کوئی شعلہ زار تھا

سورج کے ڈوبنے میں بھی کتنا وقار تھا

اس انجمن میں چھنتی ہماری تو کس کے ساتھ

کمزوریوں کا نام وہاں انکسار تھا

ہوتا بھلا نہ عرش پہ اس کا دماغ کیوں

آخر وہ برگ خشک ہواؤں کا یار تھا

ہر چند اس کی آنچ سے روحیں جھلس گئیں

جسموں کا لمس پھر بھی بڑا خوشگوار تھا

اتنا بھی کوئی شخص نہ تنہا ہو زیست میں

سارا جہان رات مرا غم گسار تھا

حیرتؔ کچھ اس کا حال ہمیں بھی سنائیے

جس بادہ کش کو بادہ پرستی سے عار تھا

kal asman jaise koi shola zar tha

suraj ke dubne mein bhi kitna waqar tha

is anjuman mein chhanti hamari to kis ke sath

kamzoriyon ka nam wahan inkisar tha

hota bhala na arsh pe us ka dimagh kyun

akhir wo barg-e-khushk hawaon ka yar tha

har chand us ki anch se ruhen jhulas gain

jismon ka lams phir bhi bara khushgawar tha

itna bhi koi shakhs na tanha ho zist mein

sara jahan rat mira gham gusar tha

hairat kuchh us ka hal hamen bhi sunaiye

jis bada kash ko bada parasti se ar tha