کہیں خلا میں کوئی روح چیختی ہوگی

کہیں خلا میں کوئی روح چیختی ہوگی

مرا خیال ہے اب شام ڈھل چکی ہوگی

پڑھا تو تھا کہیں میں نے کسی فقیر کا قول

بغاوتوں کی نگہباں سپردگی ہوگی

میں خود سے محو تکلم تھا بے حجابانہ

مجھے خبر نہ تھی دنیا بھی سن رہی ہوگی

مرے وجود کو آہنگ بھی اسی نے دیا

مرے عدم کا سبب بھی یہی صدی ہوگی

ابھی ابھی جو سر رہ گزر ملی تھی مجھے

وہ دھوپ چھانو کی مورت کہاں گئی ہوگی

سفینۂ وقت کسے اپنے منہ لگاتا ہے

ہمیں نے پھر کوئی بات ایسی ویسی کی ہوگی

حیات میں وہ مقام آ رہا ہے اب کہ جہاں

نہ اعتقاد معاون نہ آگہی ہوگی

عجیب خوف مسلط دل و دماغ پہ ہے

مرے سفر کی یہ شب شاید آخری ہوگی

یہ جنوری کا مہینہ بھی کٹ گیا حیرتؔ

خدا کے فضل سے کل ایک فروری ہوگی

kahin khala mein koi ruh chikhti hogi

mira khayal hai ab sham dhal chuki hogi

parha to tha kahin main ne kisi faqir ka qaul

baghawaton ki nigahban supurdagi hogi

main khud se mahw-e-takallum tha be hijabana

mujhe khabar na thi duniya bhi sun rahi hogi

mire wajud ko ahang bhi usi ne diya

mire adam ka sabab bhi yahi sadi hogi

abhi abhi jo sar-e-rah guzar mili thi mujhe

wo dhup chhano ki murat kahan gai hogi

safina-e-waqt kise apne munh lagata hai

hamen ne phir koi bat aisi waisi ki hogi

hayat mein wo maqam a raha hai ab ke jahan

na etiqad muawin na agahi hogi

ajib khauf musallat dil-o-dimagh pe hai

mire safar ki ye shab shayad akhiri hogi

ye janwari ka mahina bhi kat gaya hairat

khuda ke fazl se kal ek farwari hogi